အန်းဟာ ဟားဗတ်တက္ကသိုလ်ကို တက်ချင်ပြီး ယုံကြည်ချက်တွေ ပိုရှိလာဖို့ international school တစ်ခုကို ပြောင်းလာခဲ့ပါတယ်။ အဲ့ကျောင်းမှာ Miss idol ဆိုတဲ့ စံပြကျောင်းသားဆုကို ပေးလေ့ရှိပါတယ်။ အန်း ရောက်လာပြီးမှာတော့ ကျောင်းမှာ အလှဆုံးကောင်မလေးသုံးယောက်ပါတဲ့ beauty club နဲ့ ဉာဏ်ကြီးရှင်အဖွဲ့ဖြစ်တဲ့ Genius club တို့ဟာ Miss idol ဆုကို ရဖို့အတွက် ယှဉ်ပြိုင်ကြပါတော့တယ်။ ဉာဏ်ကြီးရှင်အဖွဲ့ဟာ အန်းကို အဖွဲ့ဝင်အဖြစ် ဖိတ်ခေါ်ပြီး အဖွဲ့ထဲမှာ ကြည့်အကောင်းဆုံးဖြစ်တဲ့ အန်းကိုပြိုင်ပွဲဝင်အဖြစ် ပြိုင်ဖို့ တိုက်တွန်းပါတော့တယ်။ ဒါပေမဲ့ ရှက်တတ်တဲ့ အန်းလေးက ပြိုင်ပွဲပြိုင်ဖို့ ယုံကြည်ချက်ရှိမနေခဲ့ပါဘူး။ ဒါကြောင့်မို့ အန်းလေးကို အဖွဲ့သားတွေအပြင် ကျောင်းရဲ့ မင်းသားလေး ကွမ် ကပါ ကူညီပြင်ဆင်ပေးခဲ့ကြပါတယ်။ ဒါပေမဲ့ အန်း ကို beauty club က ကောင်မလေးတွေက အနိုင်ကျင့်နှိပ်စက်ပြီး အရှုံးပေးချင်အောင် လုပ်ခဲ့ကြပါတယ်။ အဲဒီအချိန်မှာပဲ အန်းဟာ မှော်ဆန်ဆန်စာအုပ်လေးတစ်အုပ်ကို ရှာဖွေတွေ့ရှိခဲ့ပါတယ်။ စာတစ်လုံးမှမပါတဲ့ စာအုပ်လေးကို စပ်စုရင်းအန်းဟာ စာအုပ်ရဲ့ ဆန္ဒတွေကို ဖြည့်ဆည်းပေးနိုင်တဲ့ ကုဒ်ကို အမှတ်မထင် ဖြည်မိသွားပါတယ်။